Jendetza elkartu du gaur arratsaldeko alironak. Gaurko harrera berezia zen, Kontxako Banderarekin etxeratu baitira Orio Arraunketa Elkarteko gizonezkoak, eta ederki nabaritu da hori herriko kaleetan nahiz Herriko Plazan. Udaletxeko balkoitik oihal erraldoia eskegi dute arraunlariek Benito Lertxundiren irudiarekin, eta bertsoak ere eskaini dizkiete herritarrei. Negar malkotan amaitu du herritar askok, baita arraunlari gehienek ere.