Zaragueta Herri Eskolak 50 urte beteko ditu D ereduaren bidean, eta ikasle ohiei, irakasleei, familiei eta herritarrei dei egin die, bost hamarkadetako bizipenak bildu eta Oroimenaren Kutxa osatzeko.

Imanol Urbieta musikari zarauztarrak 1983an ireki zuen Donostiako Xirula Mirula musika eskola. Aurten itxi dute, haren oinordeko Joxean Urbietak erretiroa hartu ondoren. Imanolekin batera zein haren heriotzaren ostean, proiektuaren arima izan dira Kontxi Aizarna –Imanolen bikotekidea zena–, eta Joxean –semea–, eta haien esanetan, Xirula Mirula une oro saiatu da "momentuko beharrei erantzuten". Aitortu dute itxierarekin, hein batean, "lasai" daudela, Xirula Mirulako materiala "zabalduta" dagoelako.