Azaroaren, Orioko Herri Ikastolako DBH 4. mailako ikasleak eta irakasleak Arrasateko Arizmendi Ikastolako Ferixalekua gunea bisitatu zuten. Arrakala digitala murrizteko eta jasangarritasuna sustatzeko asmoz, gure ikasleek ordenagailuak birziklatzeko eta birgaitzeko proiektu solidario bat jarri nahi dute martxan, ekipamendu horiek ondoren saharar errefuxiatuen kanpalekuetara bidaltzeko. Helburu horrekin, Arizmendin abian duten Birziklanet ekimena bertatik bertara ezagutu ahal izan zuten.
Ikastolen arteko lankidetza aberasgarri honi esker, tailerrak eta lan egiteko moduak partekatzeaz gain, gure gazteek Arizmendiko Lanbide Heziketako eskaintza gertutik ezagutzeko aukera ere izan zuten. Goiz benetan emankorra igaro zuten, proiektu solidario hau gure ikastolan garatzeko ideiaz eta baliabidez beteta itzuliz.