Eusko Jaurlaritzak eta kofradiek sortu dute egitasmoa, eta hasierako fasean 25 lanpostu zuzen sortuko ditu. Arraina garbituta eta ontziratuta salduko dute, baita aurrez sukaldatutakoa ere, eta Getarian jarri dute lantegietako bat. Udalak begi onez ikusi du egitasmoa, baina "herri estrategia" aldarrikatu du arrantza industriarentzat. 

Apirilaren 28an, 30ean, eta maiatzaren 5, 7 eta 12an izango dira prestakuntzako saioak, 14:00etatik 16:00etara, Urola Kostako Udal Elkartearen egoitzan. Saioen helburua da "tokiko merkatariei kudeaketa ekonomikoa ulertzeko tresnak eskaintzea".