Aldundiak lau milioi euro inbertituko ditu Erreistako jaitsiera egonkortzeko. Hain justu, errepidea sakonean sartutako zutabeen gainean bermatuko da, mendi hegalaren mugimendu naturala errespetatuz. Esku hartzearen helburua "segurtasuna bermatzea" dela argitu du Aiako Udalak. Guka kalera atera da aiarren iritzia ezagutzera.

Moila sendotzeko hurrengo urratsa zulaketa lanak egitea izango da, eta horretarako beharrezkoa den makina uztailaren 27an iritsiko da obra eremura. Ondoren, abuztuaren 3tik 7ra zulaketak egingo dituzte, eta ondorioz, trafikoan aldaketak izango dira. Hain zuzen ere, abuztuaren 3an herritik irteteko Txanka hondartzako bidea erabili beharko da.