Aiako Udalak jakitera eman duenez, Alinea enpresak idatziko du Urdaneta auzoko urbanizazio obren proiektua, 37.000 euroren trukean. Auzoa "egokitzeko, hobetzeko eta ingurunea berritzeko proiektu estrategikoa" izango delakoan dago erakundea.

Hasiera batean lanak aurreko astean hastekoak zirela jakinarazi bazen ere, Andra Mari inguruko obrak irailaren 14an hasiko dira, astelehenarekin. Aurretik, ordea, ingurua prestatzeko aldaketak egin dituzte, besteak beste, Arrantzale kaleko zaborgunea Balea kalera lekualdatu.