Getarian elkartu dira egitasmoko kideak ikasturte amaiera ekitaldiaz gozatzeko. Kostako herrietan 24 talde sortu dituzte aurten, eta horietatik hamarrek martxan jarraituko dute uda partean. 

Ekainaren 13an egingo dute futbol txapelketa, eta izen ematea hilaren 5ean amaituko da. Interesdunek, Zaragueta Herri Eskolako zuzendaritzara edota Orioko AEK Euskaltegira jo dezakete izena ematera. Euskara sustatzeko euslider proiektuaren barruko egitasmoa da, eta Zaraguetako DBH 3. mailako ikasleek antolatu dute, AEKren laguntzarekin. Orioko Herri Ikastolan ere martxan da proiektua.