Gari Goikoetxea Esnatu ala hil. Euskararen oraina eta geroa, diagnostiko baten argitan liburuaren egileak datuz betetako hitzaldia eskaini zuen atzo iluntzean Kultur Etxean, eta ondoren, Goizane Arana UEMAko kideak Esnatu! dinamikaren berri eman zuen, eta herriko eragileak bertan parte hartzera gonbidatu zituen. Orioko Udalak bat egiten duela azaldu zuen Iosu Lizarralde zinegotziak. 

Iñaki Iurrebaso soziolinguistarekin elkarlanean idatzitako liburuan, euskararen egungo egoeraren azterketa egin dute, datuetan oinarrituta, eta hizkuntzaren etorkizunari begirako erronkak jarri dituzte mahai gainean. UEMAren Esnatu! dinamikaren barruan antolatu da hitzordua.