Amaitu da aurtengo Eusko Label traineru liga, eta Oriok guztira hamasei bandera etxeratu ditu, errepikatzeko zaila izango den marka berria ezarriz. Garaipen historikoa ospatzeko asmoz, herritarrek merezitako harrera egin zieten arraunlariei atzo iluntzean. Kiroldegira lekualdatu zuten ekitaldia, eguraldi txarragatik, baina beti bezain hunkigarria izan zen: txarangak, Harribileko dantzariek eta jarraitzaileek txaloka eta txistuka jaso zituzten aurtengo txapeldunak.