Emakumeen etxeak gaur zabaldu du epea Ahalduntze Eskoletan parte hartzeko, eta interesa dutenek urtarrilaren 16a izango dute horretarako azken eguna. Ikastaroez gain, hitzaldiak, tailerrak eta mahai inguruak ere antolatu dituzte. 

Saio hauen helburua da herritarrei "zaintzaren alor ezberdinei buruzko informazio praktikoa eta tresna eraginkorrak" eskaintzea. Saio guztiak astelehenetan izango dira eta Olaia Arana gizarte langile eta Gipuzkoako Esku hartze Sozialeko Etika Batzordeko kideak gidatuko ditu.