Eusko Jaurlaritzaren Hezkuntza sailak eta LAB, ELA, CCOO eta UGT sindikatuek hezkuntza publikoko sukaldarien eta garbitzaileen lan baldintzak hobetzeko akordioa lortu dute. Horrenbestez, hezkuntza publikoko irakasleen greba deialdiarekin soilik jarraituko dute sindikatuek; hilaren 25erako, 26rako eta 27rako nahiz apirilaren 1erako eta 2rako daude grebara deituta horiek.

Lanbide Heziketa eta Enplegu Azoka egiten ari dira Azkoitian, eta Iraurgi Berritzeneko, Urola Kostako Udal Elkarteko, Lanbideko, Monte Albertia LHIIko, Oteiza lizeo politeknikoko, Zumaia BHIko, Oinarrizko Lanbide Heziketako, Izarraitz Lanbide Heziketako nahiz Aiala sukaldaritza eskolako kideek postuak jarri dituzte han. 17:00ak arte egongo da azoka zabalik.