Azpeitiko Añota eta Aiako Satxota sagardotegietan asteburuan ireki dute txotx denboraldia, Zestoako Ekainen datorren larunbatean hasiko dute, eta hilaren 23an, berriz, Aiako Izetan.

Dermatosi nodular kutsakorraren aurka 42.500 abelburu txertatzea aurreikusi dute, eta aurrenekoak gaur eguerdian txertatu dituzte Aiako testaje zentroan. Izan ere, gaur sartu da indarrean nahitaezko txertaketa ezartzen duen foru agindua, eta horri buruzko azalpenak eman ditu prentsaurrean Xabier Arruti Lurralde Oreka Berdeko diputatuak.