Guka Telebistak 3, 2, 1 Guka umeei zuzendutako saioaren sei atal emango ditu datozen asteazkenetan, 10:00etan. Uda giroko Gure mazedonia saioa, berriz, ostegunetan emango du Guka Telebistak, 22:00etan hasita. Udarekin zer ikusia duten ofizioetan aritzen diren herritarrei egindako elkarrizketak ardatz dituen saioaren bost atal eskainiko ditu Gukak. Telebista saio guztiak Gukaren webguneetan ere ikusi ahal izango dira.

Merkataritza, marketin, publizitate edo ekonomia ikasketak dituztenek aurkez dezakete beren burua lanpostura. Interesa dutenek uztailaren 11 baino lehen bidali beharko dute curriculuma administrazioa@ukt.eus helbide elektronikora.