Merkataritza edo Marketin zikloetako ikasketak dituztenek edo Komunikazio Zientzietan, Ikus-entzunezkoetan edo Giza Zientzietan lizentziatuek eta euskara maila altua dutenek dute beren burua lanposturako hautagai aurkezteko aukera, eta sektorean esperientzia izatea kontuan hartuko da. Interesa dutenek urtarrilaren 30a baino lehen bidali beharko dute curriculuma administrazioa@ukt.eus helbide elektronikora.

Urtarrilaren 1etik abenduaren 31ra bitartean 537.514 bisita izan ditu Gukaren webgune honek, egunean 1.473 bisita hain zuzen, 2024an izan zituenak baino %4,3 gehiago. Horietako gehienak, lautik hiru, eskuko telefonoetatik egin dituzte herritarrek. Gukak, berriz, egunean batez beste zortzi eduki argitaratu ditu atari honetan.