Sanpedroak iritsi dira herrira, eta urteroko legez, jubilatuen hamaiketakoarekin ekin diote jaietako egitaraurai. Eguraldia lagun, erretiratu mordoa bertaratu da Zaharren Babeslekura, otordu ederraz gozatzera. Arratsaldean, txosnagunea zabalduko dute plazan, eta ondoren, danborradak hartuko ditu herriko kaleak.

Harrotasunaren Eguneko egitarauaren barruan, Itzali eta piztu izeneko bertso saio elektronikoa eskainiko dute igandean, Herriko Plazan. Gai jartzaile lanetan ariko da Ainhoa Urien, eta bertsotan, berriz, Eli Pagola, Julio Soto, Ekhiñe Zapiain eta Peritz jardungo dira. Ekintzaren helburua musika elektronikoa bat-bateko bertsolaritzarekin uztartzea da.