Irailaren 14tik 22ra Oporton eta Lisboan ibiliko dira jubilatuak, eta bidaiarako 50 laguneko muga beteta zegoen arren, azken orduko lau baja egon dira. Horregatik, izena ematen duten aurreneko lau lagunek izango dute bidaian parte hartzeko aukera. 

Txurrumuski aisialdi taldearekin udaleku irekietan dabiltzanek gaur ospatu dute Bota Ura eguna. Ura eskatu orduko, saltoki askotako eta etxe batzuetako jabeak prest aurkitu dituzte haien nahia betetzeko. Gozatua hartu dute bai ur eskean zirenek, bai ura bota dietenek.