EH Bilduren aldeko bederatzi botorekin eta EAJren abstentzioarekin –hiru boto– onartu dituzte Orion datorren urterako tasak eta zergak. %2,5eko igoera orokorra izango dute ordenantzek, eta Kirol Txartelaren bigarren aldaera bat sortzea erabaki dute, kirol elkarteetako kideei zuzenduta. Gai horrek eztabaida eragin du, baita galde-erreguen tartean parapenteen lur hartzeko eremuaren kontuak ere.