Greba orokorra deitu dute etxebizitza sindikatuek eta gehiengo sindikalak azaroaren 11rako. Etxebizitzara sarbidea bermatzeko eta etxebizitzaren negozioarekin amaitzeko eskatuko dute. Urolako Etxebizitza Sindikatu Sozialistako Eneko Larrañaga eta Klara Lazkanoren, ELA sindikatuko Janire Landaluze eta Amagoia Lasagabasterren nahiz LAB sindikatuko Andoni Murgaren adierazpenak jaso ditu Gukak erreportaje honetan. Horrez gain, eskualdeko herrietan zehar kale inkesta egin du, jendearen iritziak jasotzeko.

Goizerako pikete informatiboak eta arratsalderako manifestazioak antolatu dituzte eskualdeko hainbat herritan; eguerdi partean, berriz, Donostiako manifestazioan parte hartzera deitu dituzte herritarrak.