Gaur jokatuko da Kontxako Banderaren bigarren jardunaldi erabakigarria Donostiako badian, eta ETBk hari lotutako hainbat bideo motz argitaratu ditu aste honetan, arraun hitzordu berezienari buruzko xehetasunak azaltzeko herritarrei. Kontxa Hondotik izenburupean, Ibon Gaztañazpi kazetari oriotarrak aurkeztu ditu saioak.
Kontxako Banderaren sorrera, traineruaren beraren eboluzioa nahiz kluben koloreen sorrera izan ditu hizpide bideo batzuetan, eta estropadak jokatzen diren eremuari buruzko xehetasunak, beste batzuetan. Baita estropadak baldintza ditzaketen haizeari, olatuei eta mareei buruzko datu eta xehetasun inportanteenak ere.
Esteka honetan ikus daiteke azken bideoa, baita aurreko guztiak ere.
