Beroak bero, Orio Arraunketa Elkarteko gizonezkoen traineruak irabazi zuen Eusko Labeleko bandera atzo, eta poz horrekin bukatu ziren sufrimendu guztiak. Gaur bigarren bandera eskuratu dute gizonek, eta gogotik ospatu dute arraun elkarteko neska-mutil guztiek zaleekin. Orioko Txarangako kide batzuk ere han ziren, eta ez da aliron doinurik falta izan.
Euskotren eta Eusko Label ligako asteburu honetako jardunaldiak Galizian jokatu dituzte, eta Oriotik, urtero bezala, zale andana joan da harantz, estropadak ikusi bitartean oporrak pasatzera. Atzo arratsaldean Proba do Caramiñalen zen hitzordua, eta bero handia egin zuen. Hala, itzal bila ibili ziren zaleak. Gaur, berriz, Boiron, asteburuko bi garaipenak ospatzen aritu dira. Haiekin izan dira, gainera, txarangako kide batzuk ere.
Orio Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide
