Eguraldia goibela izan zen atzo Antilla hondartzan, baina horrek ez zuen eraginik izan Euskal Herriko Hondartza Eskubaloi Txapelketan. Hemezortzi talde aritu ziren goizetik iluntzera txapelketa jokatzen zirkuituko lehen jardunaldian, gizon zein emakume, eta guztiaren gainetik, lagunartea nagusitu zen.
Orio Eragin eskubaloi klubak asteburu honetarako antolatutako Mola Mola Eragin Hondartza Eskubaloi Topaketaren barruko hitzordua izan zen atzokoa. Besteak beste, Orioko zein Zarauzko taldeek parte hartu zuten hitzorduan, eta jokalariek erakustaldi aparta eskaini zieten ikusleei; izan ere, puntuaziorik altuena eskuratzeko nahiak bultzatuta, trikimailu ugari egin zituzten baloia atera jaurti eta gola sartzerako orduan.
