Gaur egun Zestoan bizi den arren, Aizarnan jaioa da Gloria Agirre, erraketista profesionala izandakoa. Umetatik datorkio pilotarako zaletasuna; izan ere, garai hartan beste kirolik egiteko aukera handirik ez zuten Aizarnan, baina frontoia bai, etxe ondoan gainera. Orduko oroitzapenak, pilotan jokatzera joanda Madrilen egindako urteetakoak eta beste hamaika kontu berritu ditu, Dabilen harriari saioaren aste honetako atalean.