Asteburuan baieztatu zuen Orio Arraunketa Elkarteak (OAE) Iker Zabala bermeotarrak ordezkatuko duela Mikel Arostegi oriotarra gizonezkoen lehen traineruaren entrenatzaile postuan, eta atzo arratsaldean Arraunetxean izan zen Zabala, elastiko horia soinean, prentsaurrean adierazpenak egiten eta kazetarien galderei erantzuten Jon Olasagasti OAEko presidentearekin batera.
Aurkezpenaren ondotik, Gukarekin izan ziren biak. Honako bideoan jaso dira besteak beste Zabalaren fitxaketaz, Mikel Arostegi aurreko entrenatzaileaz, harrobiaz eta nesken arraunaz esan dituztenak. Iker Zabala: "Oriok sekulako denboraldia egin du, baina beste pausotxo bat aurrera eman nahi dugu, bai arraunlariek, bai nik".