Idi Eguna ospatu dute lehenengoz Aian asteburu honetan. Atzo izan zen, eta guztiaren erdigunean animalia egon arren, askotariko ekitaldiak izan ziren goizean hasi eta arratseko azken orduak bitarte.
Idi erakusketa izan zen goizean zehar, eta idi parea gurdiarekin ibili zen herrian bueltaka. Bazkariaren aurretik, idi erakustaldia egin zieten bertaratutakoei Azkueko zelaian, eta arratsaldean, solasaldia eta proiekzioa eskaini zituzten Beñat Gereka, Mario Nogueira eta Iñaki Olidenek. Pintxo dastaketarekin eta Izer eta Alabierren erromeriarekin biribildu zuten eguna.