Emakumeen mutilazio genitalaren (EMG) lau mota bereizten ditu Osasunaren Munduko Erakundeak:
1. mota: Klitoriaren eta prepuzioaren (klitoridotomia) erauzketa partziala edo erabatekoa. Islamiar kulturan, sunna (tradizio) bezala ezagutzen da eta honekin parekatu ohi da gizonezkoen zirkuntzisioa.
2. mota: Klitoriaren eta ezpain txikien erresekzio partziala edo erabatekoa. Erresekzio horren barruan egon daiteke ezpain handiak ebakitzea (eszisioa).
3. mota: Zigilu bat sortzeko bagina-irekidura estutzea ezpain txikiak edo handiak ebakiz eta birkokatuz, klitoriaren erresekzioarekin edo erresekziorik gabe (infibulazioa edo zirkuntzisio faraonikoa). Bi zulo txiki uzten dira gernua eta hilekoaren odola ateratzeko.
4. mota: Helburu ez medikoak dituzten kanpo-genitalen gainerako prozedura lesibo guztiak, hala nola zulatzea, ebakia egitea, karrakatzea, kauterizatzea edo genitaletan substantzia korrosiboak sartzea.
