Egunotan banatuko dute etxez etxe ekaineko Aia-Orio Guka aldizkaria, eta hau da aurrerapen bideoa. Oraingo zenbakian, izan ere, Orioko Txarangari buruzko erreportajea argitaratuko da. Bi urte beteko dira aurki, sanpedroetan, aurreneko aldiz kalera atera zenetik, eta irakurleek musikarien eskutik jakingo dute ordutik hona egindako ibilbidearen berri, baita aurrera begira dituzten helburuen berri ere.
Elkarrizketa nagusian eta azalean, berriz, Iñake Irastorza aktore oriotarra izan da protagonista ekaineko zenbakian.