Oraingoan, izango da zer dastatu. Hain zuzen, Bada zer erreportaje sortaren bigarren denboraldiko bigarren atala eskainiko du bihar Guka Telebistak, 22:00etan hasita. Dastamena izango da saioan jorratuko den zentzumena, eta platerekoak izango dira hiru protagonistak lotuko dituzten elementuak: Beizamako Ostatu Zaharreko Idoia Urtuzaga, Azpeitiko Larrañaga hoteleko Mari Karmen Aizarna eta Getariako Balearri jatetxeko Imanol Goikoetxea.
Bihar telebistan eskainiko du Gukak Bada zer saioa, eta ostiral goizetik aurrera ikusi ahal izango da Gukaren webgune guztietan.