Asteazkenean hasitako jaialdiari ostegun iluntzean eman zioten jarraipena Euskal Cymru elkartearen eskutik Orion izan diren galestarrek. Europako Hizkuntza Gutxituen Aldeko Ibilaldia egin zuten Herriko Plazatik abiatu eta herrian barrena, bazterrak aldarri koloretsuz betez, hizkuntza gutxituak dituzten herrietako banderak aireratu baitzituzten giza kate itxurako kalejiran.
Herriko Plazara itzuli ziren gero, eta han Gwenno Teifi Morris ekintzailea elkarrizketatu zuten. Galesaren alde desobedientzia zibila eta ekintza baketsuak egiten dituen Cymdeithas yr laith Gymraeg taldeko kidea da Morris.
Guka ere harekin izan zen, galesaren egoeraz eta bere taldeaz gehiago jakiteko.