Kontxako bandera gainean da. Datozen bi igandetan Donostian lehiatzeko sailkatze estropadak jokatuko dituzte gaur eta bihar: gaur emakumezkoen txanda izango da eta gizonena bihar. Bi arraunketa saioak ere 18:00etan hasiko dira.
Gaur eguerdian egin dute Donostiako udaletxean gaurko saiorako irteera postuen zozketa. Haren arabera, Zarauzko Orioko trainerua hamaseigarren postuan aterako da. Aurretik, Tiran traineru galiziarra izango du, eta atzetik Zarauzko Enbata. Eskualdeko beste ordezkaria, Zumaia, hamalaugarren postuan aterako da.
21 traineru arituko dira zazpi posturen bila, Arraun Lagunak ontzia, donostiarra izanik, dagoeneko sailkatuta dagoelako.
