Traineru denboraldia sartua da azken txanpan KAE2 ligako ontzientzat, bi estropada baino ez baitira falta liga amaitzeko. Orio B denboraldi bikaina ari da egiten, eta lider da sailkapenean 56 punturekin. Hibaika da bigarren 49 punturekin, eta Portugalete hirugarren, 44 punturekin. Beraz, azken bi estropadetan ere denboraldi osoan zehar egindako lan on horri eutsiz gero, Orio Arraunketa Elkartearentzat izan daiteke aurtengo aurreneko liga.
Ontziek Erandion (Bizkaia) dute aurreneko hitzordua, larunbat honetan, 17:00etan hasita. Azken estropada, berriz, hurrengo astean, abuztuaren 17an, igandearekin, jokatuko dute Colindresen (Espainia) Angel Larrañagaren mutilek.
