Errenteriako Hiria XII. Ikurrina larunbatean, eta Elantxobeko XXXVII. Traineru Estropada atzo. Asteburuan bi lehia horietako banderak eskuratu ditu Orio Arraunketa Elkarteko gizonezkoen B ontziak, eta hori ospatzeko, denboraldiko aurreneko alirona egin zieten atzo herritarrek, Orioko Txarangak lagunduta.
Ohi bezala, banderak astinduz, arraunlariak kalejiran iritsi ziren Herriko Plazara, eta udaletxeko balkoian zintzilikatu zituzten, herritarren txalo artean.
