Ekaina iristearekin batera herriko haur eta gaztetxoak ari dira ikasturtean ikasitako guztia erakusten gurasoei eta senitartekoei, eta ostiral arratsaldean Danbolin musika eta dantza eskolako dantzariek Arraunetxen eskaini zuten emanaldia.
LH2. mailatik gorako dozenaka haur eta gaztetxo aritu ziren doinu eta pauso tradizionalak gaur egungoekin nahastutako koreografiak osatzen, eta emanaldi bikaina eskaini zuten Ander Errasti irakaslearen gidaritzapean.
Ikuslez bete zen Arraunetxe, eta horiek txaloz josi zituzten dantzarien ahaleginak.