Zaragueta Herri Eskolako ikasle, irakasle eta familiek, Bizkaiko Golkoan harrapatutako azken balearen kontakizuna ardatz hartuta, Orioko historia bildu dute lau kilometro eta zortzi geldialdiko ibilbidean. Horietan guztietan berariaz prestatutako QR bidez, 13 hizkutzetan entzun ahal izango dira hango azalpenak; euskaraz, gaztelaniaz, galizieraz, katalanez, errusieraz, ukraineraz, woloferaz, frantsesez, errumanieraz, ingelesez, portugesez, urduz eta arabieraz daude.
Atzo, Balearen Eguna aitzaki, egin zuten proiektuaren aurkezpena Zaragueta herri eskolan. Herriko festa handia bost urtetik behin egiten badute ere –"herriari eta Euskal Herri osoari ekarpena" beste modu batera egin nahi izan zioten. Zaragueta Herri eskolako zuzendari eta irakasle den Ainhoa Zumetak azaldu zituen proiektuaren nondik norakoak. Balearen Bidea, duela bi urte sortu zuten Balearen Jolasaren jarraipena dela azaldu zuen. Xehetasun guztiak azaltzen ditu ondorengo bideoan.