Kalez kale ospatu dute neskek Euskotren Ligako txapela

COVID-19ak sortutako ezohiko egoera dela eta, ezin da errezibimendu jendetsurik egin, baina, Orioko emakumezkoen taldeak aurkitu zuen ligako garaipena herritarrekin ospatzeko modua. Igande arratsaldean, kalez kale ibili zen taldea furgonetetan igota, oriotarrei irabazitako banderak eskaintzen. Ederra izan zen erantzuna, txalo zaparrada eta animo oihuak jaso baitzituzten.