Zierbenan jokatu dute gaur Petronor Banderaren laugarren edizioa, eta estropada gazi-gozoa izan da Orioko emakumezkoen txaluparentzat. Izan ere, estropaden hasieran, Txiki ontzia estropadaren buruan jarri bada ere, ziaboga ona hartu du Donostiarrak, eta poparean Oriok ateratzen zion tartea txikitzen joan da. Lehia estua jokatu dute bi taldeek bigarren luzeko azken 600 metroetan, eta azkenean Donostiako taldeak irabazi du bandera.
Orio Arraunketa Elkarteko ordezkari Xabier Sukiak Donostiarra zoriondu nahi izan du Euskal Telebistari egin dizkion adierazpenetan. "Bagenekien Donostiarra aurkari gogorra izango zela, eta gaurko estropadan argi gelditu da lehia estua dagoela emakumezkoen taldeen artean. Gainera, arraun adituek diote gaurko estropada eremua garrantzitsua izan dela ikusteko talde bakoitzaren maila zein den, orain arteko estropadak nahiko gorabeheratsuak izan direlako".
PETRONOR BANDERAREN SAILKAPENA
