Pausoka eta Zebra Producciones ekoiztetxeek Primeran plataformarako sorturiko Desagertuta telesaila irailetik aurrera eskainiko dute ETB1ek eta eitb.eus atariak. Gazte baten desagerpena du oinarri istorioak, eta bideo kezkagarri bat arrasto bakarra da. Jon Lukas oriotarra, Itziar Atienza, Gorka Otxoa eta Ane Rot dira, besteak beste, protagonistak.
Pasa den maiatzean estreinatu zuten Desagertuta telesaila. Gainera, Primeran ez zezik, Netflixek ere gaztelaniazko bertsioa eskaini du bere plataforman, izan ere, aldi berean filmatu zituzten euskarazko eta gaztelaniazko bertsioak. Jon Lukas oriotarra du protagonista saioak, eta bere hitzetan, "amets bat izan da telesaila grabatu eta esperientzia hain jende onarekin partekatu izana".
