Badatoz San Donato eta San Lorentzo jaiak. Dagoeneko prest dute Aiako festen egitaraua, eta eman dituzte xehetasunak abuztuaren 6an, asteazkenarekin, egingo den herri afariaz ere. 21:30ean izango da hori, eta Izer eta Alabier trikitilariek girotuko dute gaua.
Batetik, izena emateko epea zabalik dago. Pertsonako 25 euro ordaindu beharko da, eta horretarako Iturriozena tabernara joan behar da. Abuztuaren 3a izango da izena emateko azken eguna, egun hori barne.
Bestetik, herri afarian afalduko dutena ere zehaztu dute: marmitakoa jango dute aurrena, gero txuleta, eta ondoren, postrea. Edariak eta kafea ere prezioaren barruan sartuta daude.
Azaldu dute menu begetarianoa ere egongo dela, eta hori aukeratzen duenak, izena ematerakoan egin beharko duela eskaera.