Aurreko urtean ospatu zuten estreinakoz Aiako Idi Eguna, eta aurten ere herritarrek egun berezi honetaz gozatzeko aukera izango dute. Maiatzaren 24 eta 25eko asteburuan jarri dute hitzordua, eta xehetasun guztiak aurrerago emango dituzte.
Hala eta guztiz ere, iaz bezala, artisau azoka egingo dute igandean, eta bertan posturen bat jarri nahi dutenek izena emateko aukera izango dute maiatzaren 12ra arte. Horretarako, interesdunek 943-13 11 44 zenbakira deitu edota aia@aia.eus helbidera idatzi dezakete.