Gertu dira Gabonak, eta Aian ekintza eta ekitaldi ugari prestatu dituzte urtarrilaren 5era bitartean, hau da, Errege bezperara arte. Egitarau zabaleko aurreneko hitzordua bihar bertan izango da: plazako zuhaitza apaintzeko elkartuko dira arratsaldean, baita umeen marrazki erakusketa zabaltzeko eta EITB Maratoirako bideoa grabatzeko ere. Segidan, Gabonetako argiak piztuko dituzte.
Astelehenetik aurrera, berriz, askotariko hitzorduak izango dituzte aiarrek urtea amaitu eta urte berrian sartu eta lehenenego egunetara arte: kirol saioak, azoka, Olentzero eta Mari Domingiren nahiz errege magoen etorrera, puzgarriak, tailerrak, kotiloia...
Donostiako Txuri-Urdin patinaje pistara irteera ere egongo da, baina horren berri zehatza hurrengo egunetan emango du Xatur gaztelekuak.
Egitaraua Aiako Udalak, Aiako Gazte Asanbladak, Lardizabal eskolako guraso elkarteak eta Xatur gaztelekuak prestatu dute.
Honakoa da Gabonetako egitaraua:
Bihar, abenduak 13
- 17:00. Zuhaitz apainketa, plazan.
- 17:30. Marrazki erakusketa, Kultur Etxean.
- 18:30. EITB Maratoiko bideo grabaketa, plazan.
- Jarraian. Gabonetako argiak piztuko dituzte.
Abenduak 16, astelehena
- IV. Pala Txapelketa Mistoaren hasiera, frontoian.
Abenduak 20, ostirala
- 18:30. Olentzero eta Mari Domingiren etorrera. Ongietorria Etxetxon eta ondoren, plazan.
Abenduak 22, igandea
- 16:30. Gabonetako azokaren irekiera, Probalekuan. Azokan bertan, honakoak:
- 17:00. Kandela tailerra.
- 18:30. Musika zuzenean Andoni Ollokiegirekin. Ondoren, DJ Indate.
- 18:30. Euskal Parrillaren pintxoak dastatzeko aukera.
Abenduak 24, asteartea
- 09:00. Gabon eskea baserriz baserri.
- 17:00. Gabon eskea herrian zehar.
Abenduak 27, ostirala
- 16:00. Sukaldaritza osasungarria familian tailerra, Alkar elkartean.
- 19:00. Zizka-mizka tailerra helduentzat, Alkar elkartean.
- 21:30. Gabonetako II. Mus Txapelketa, Probalekuan.
Abenduak 28, larunbata, Inozente Afaria
- 19:00. UK03 txaranga.
- 21:00. Afaria dema plazan. 25 euro balio du txartelak.
- Ondoren. DJ Indate.
Inozente Afariko informazio guztia, hemen.
Abenduak 29, igandea
- 16:00-21:00. Puzgarriak, frontoian.
Abenduak 31, asteartea
- 17:00. San Silbestre lasterketa. Izen-ematea 16:30ean.
- 01:00. Urte Zahar gaueko festa, kotiloia. Probalekuan.
Urtarrilak 2, osteguna
- Arratsaldean. Futbito txapelketa.
Urtarrilak 3, ostirala
- 17:00. Mahai jolasen arratsaldea, Goiz-argin. Gaztelekuko gazteentzat, sukaldaritza tailerra.
- Ondoren. Txokolatada.
Urtarrilak 4, larunbata
- 18:00. IV. Pala Txapelketa Mistoko finalak, frontoian.
Urtarrilak 5, igandea
- 19:00. Erregeen etorrera, plazan.
