Idia protagonista izango duen festa ate joka da. Larunbat honetan ospatuko da haiei eskainitako festa, lehenengo aldiz. Egitarau oparoa antolatu dute egun osorako. Nolanahi ere, animalia egongo da guztiaren erdigunean. Hona hemen egun osoko egitaraua:
Egitaraua:
- 11:00-14:00. Artisau azoka plazan
- Goizean zehar, idi erakusketa aparkalekuan eta idi-parea gurdiarekin herrian zehar.
- 13:00. Idi-proba erakustaldia kantabriar erara Azkueko zelaian.
- 14:30. Bazkaria frontoian (tiketak eskuragarri Iturriozenan, 65 euroan, menua: idi txistorra; idi zezina; idi kroketa; idi sahieskia: idi txuleta, entsaladarekin eta patata frijituekin; arroz esnea eta txokolate kroketa. Ogia eta edaria prezioaren barruan daude).
- 17:30. Solasaldia eta proiekzioa, Beñat Gereka, Mario Nogueira eta Iñaki Olidenen eskutik.
- 19:30. Pintxo dastaketa.
- Ondoren, erromeria, Izer eta Alabier.
