Euskalmetek alerta laranja ezarri du, eta tenperatura altuak direla-eta, zenbait aldaketa izango dira Aiako eta Orioko udal zerbitzuetan. Alde batetik, Aiako igerilekuaren ordutegia luzatuko dute gaur. Ohiko ordutegian, uretara sartzeko aukera 20:00etan amaitzen da, baina gaur, ordea, sorospen zerbitzua gaueko 22:00ak arte luzatuko dute, beroari aurre egiteko.
Bestetik, Orioko udal liburutegia itxita egongo da egun osoan zehar, tenperatura altuen aurkako prebentzio gisa. Bihar, hasiera batean, liburutegia 09:00etatik 14:00etara irekitzea aurreikusi du udalak, baina ezohiko neurriren bat hartuz gero, sare sozialen bitartez emango du horren berri.