Abisu laranja ezarrita zegoen gaurko, eta Aemet meteorologia agentziak iragarri bezala, mendebaldeko haizea gogor jotzen ari da goizaldetik. Hain justu, haize bortitzak zuhaitz bat bota du Zudugarai gainetik Aiara doan errepidean 12:40 inguruan, eta horrek alderik alde bete du errepidea, bidea bi noranzkoetan itxiz.
Erorketak ez du istripuirik eta zauriturik eragin. Zuhaitza bertatik kentzeko zerbitzuak azkar iritsi dira, eta jada zabalik da errepidea.
(13:55ean eguneratutako albistea)