Lehen sektorean egun dagoen sindikalismo ereduarekin konforme ez dauden nekazari eta abeltzain batzuek Baserritar Bilgunea erakundea sortu dute. Agroekologiak eta elikadura burujabetza dute oinarri, eta sindikatu izaera eman diote. Azaroaren 1ean aurkeztu zuten beren burua Donostian eginiko ekitaldian, eta datorren astelehenean Kosta baliarako aurkezpena egingo dute.
Zarauzko Merkatu plazako lehen solairuan izango da saioa, Baserrri iraunkorrak, bizitza duina lelopean, 18:30ean hasita. Lehen sektoreko eta, oro har, nekazal eremuko herritarrei bertaratzeko deia egin diete antolatzaileek.