Apirileko Aia-Orio Guka aldizkariaren aurrerapen bideoa

Onintza Lete Arrieta eta Gorka Eizagirre 2025ko api. 3a, 15:12

Arturo Elosegi Ekologian katedraduna izango da apirileko aldizkariko protagonista. Orioko bizilagunak lasai baina irmo hitz egin du ibaiez, errioaz, Motondoz, ur mailaren igoeraz eta basogintzak uraren kalitatean duen eraginaz.

Egunotan banatuko dute etxez etxe apirileko Aia-Orio Guka aldizkaria, eta hau da aurrerapen bideoa. Oraingo zenbakiko gai nagusia Arturo Elosegi Orioko bizilagunak eskainitako elkarrizketa da. Ibaietan espezialista da Ekologiako katedraduna, eta errioaz, Motondoz, ur mailaren igoeraz eta basogintzak uraren kalitatean duen eraginaz hitz egin du, besteak beste.

Horrez gain, arraunari buruzko erreportajea ere landu da apirileko zenbakian, Orio Arraunketa Elkarteak 60 urte beteko baititu aurten. Klubean ibili diren presidenteetako hirurekin elkartu da Guka: Antonio Campos, Iñaki Sarasua eta Ibon Huegun.

Orio Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide