SOS Rafah. Stop genozidioa lelopean, Palestinako genozidioa gelditzeko eskatu dute gaur goiz-eguerdian Euskal Herriko hainbat eta hainbat langilek. Hain justu, ELA, LAB, CCOO, UGT, ESK, CGT, Steilas, Solidari, EHNE, Etxalde eta Hiru sindikatuak izan dira gaurko mobilizazioak deitu dituztenak, eta Orion eta Aian ere izan du oihartzunik.
Orion, esaterako, Orioko Herri Ikastolako langileek hamabost minutuko protesta egin dute ikastola aurrean.
Aia-Orioko Ubegun industrialdean, berriz, Buzones Arregui eta Logisticas y Acabados enpresetako langileek bat egin dute deialdiarekin, hedabide honek jakin duenez.