Atzo arratsaldetik festetan murgilduta dira Goiko Kalen, eta gaur goiz-eguerdi partean, eguzkipean aritu dira etxeko txikienak Goiko Kaleko festetan Joseba Ostolazaren eskutik antolatutako herri kiroletan parte hartzen. 11:00 aldera hasi dira umeak musika eskolaren behealdeko plazara gerturatzen, eta han jardun dira taldeka jolasean. Lokotx bilketan, harria jasotzen, sokatiran eta txingekin ibili dira.
Honakoa da gaur arratsaldeko egitaraua:
- 14:00. Goiko Kaleko herri bazkaria, parkean. Tokia beteta.
- 16:00. Bazkaloste musikatua eta haurrentzat eskulanak, parkean.
- 18:00. Desafioa: txapel jaurtiketa, Pilliku plazan.
- 18:30. Talo-jana Zaraguetako ikasleen eskutik.
- 21:00. Kontzertua: Hereje Fighters, Pilliku plazan.