Gabonetako ekitaldiek aurrera jarraitzen dute, eta egunotan haurrek eta gaztetxoek badute ondo pasatzeko hainbat abagune. Atzo arratsaldean puzgarrietan jolasteko aukera paregabea izan zuten Aia frontoian, eta gaur beste horrenbeste egiten ari dira Orion.
Gabonetako haur parke dotorea ondu dute Karela kiroldegiko kantxa, adinaren araberako eta molde ezberdinetako puzgarriekin. Goizeko 10:00etan ireki dituzte ateak, eta eguerdia bitartean erantzun bikaina izan du, haur eta guraso asko bertaratu baita. Parkea 20:00etara arte egongo da zabalik, beraz, arratsalde osoa dago oraindik bertan gozatzeko.
