Joshua Herranz itsas zoologoa eta zientzia dibulgatzailea da, jaiotzez oriotarra, baina Zarauzko bizilaguna. Orioko balearen hezurdurak liluratuta, esparru horretara bideratu ditu ikasketak; hain zuzen ere, balea grisaren inguruan ikertu du, eta Orioko balea bera eta garai bateko euskal herritarren balea ehizarako tradizioa ere aztergai izan ditu.
Balea karisma handiko espeziea dela dio Herranzek, txiki zein handi, baleaz hitz egiten hasi eta denak gelditzen direla aho zabalik; ikastetxeetan eman izan dituen hitzaldietan ikusi izan du hori. Horiek eta beste hamaika kontu interesgarri kontatu dizkio Aritz Mutiozabal kazetariari, Gukasteka Zarauzko astekari digitalera egindako elkarrizketan.
Bideo-elkarrizketa hau GUKAsteka Zarauzko astekari digitalean argitaratu zen aurrez. GUKAsteka astean behin bidaliko zaie harpidedunei, buletin formatuan eta posta elektronikoz. Agerkariak hainbat atal izango ditu, baina protagonistak beti izango dira Zarautz eta zarauztarrak.