Orioko Udalak, Aritz Pardinarekin elkarlanean, astean behin herriko hitz edo esamolde bat zabalduko du. Aste honetan zikin-estalia esamoldea partekatu dute beren sare sozialen bitartez. "Zikina asko igartzen ez zaiona" bezala definitu dute esaera. Adibide moduan, "mantal hau oso zikin-estalia da" erabili dute.
Aurreko asteetan, esaterako, txikitan jaioa eta ahoko zuloan jarri esamoldeak partekatu zituzten. Datozen hilabeteetan zehar, gehiago publikatzen jarraituko dute, asteazkenero, Instagram, Facebook eta X (Twitter) bidez.