Mikel Arruabarrena boxeolari oriotar gaztea aurreneko aldiz igo da ring batera lehiatzera, eta finalerako txartela lortu du. Getxoko (Bizkaia) Andra Mari kiroldegian ari dira jokatzen atzotik boxeoko Bizkaiko Opena, eta Arruabarrena gazteen mailan ari da, 71 kiloz azpikoen kategorian.
River Box &Roll boxeo klubeko Ibai Marin entrenatzailearen esanetara dabil Arruabarrena, eta gaurko lehia Bibox klubeko Javier Rodriguezi irabazi dio. Bihar, berriz, Alejandro Mosquera izango du aurkari finalean.
Irailean Gukari eskainitako elkarrizketan Marinek argi zituen asteburu honetako txapelketara zer helbururekin joango ziren: "Esperientzia hartzeko, behintzat, balioko digu; ikasketa izugarria izango da, eta kristoren gogotsu gaude biok. Lan txukuna egitera goaz, baina beti esaten dut berdin didala irabazten dugun ala galtzen dugun, garrantzia duena orain arte egindako eta lortutako guztia delako. Gero, irabazten badugu, askoz hobe, noski".
Oriotik talde handia bertaratu da Getxora boxeolari gaztea animatzera.
Hemen irakur daiteke osorik Marinen elkarrizketa.
