Dozena bat gaztetxo animatu dira Muskuilu Harria arrantza elkarteak gaur, San Pedro hirugarrenez, antolatutako arrantza lehiaketan parte hartzera. Arrainik hil gabe aritu dira; nork bere apareju eta beita eraman ditu, baina gurasoek lagundu ahal izan diete horiek prestatzen. Hartutako arrainak epaileei erakutsi ondoren, uretara bueltatu dituzte.
Pieza handiena Alain Peñak arrantzatu du; 44 zentimetroko arraina. Garaikurra eta kanabera jaso ditu saritzat. Baita beste kategorietako garaileek ere: Oihan Iribarrek alebinetan; Alain Peñak berak benjaminetan; eta Oinatz Eizagirrek, infantiletan. Julen Idarreta Orioko Udaleko Kirol teknikariak banatu ditu sariak.
Partaide guztien artean kanabera ere zozkatu dute.