Atzo arratsaldean otsaileko ohiko udalbatzarra egin zuten Orion, eta azken astetan herrian zeresana ematen ari diren bi esleipen prozesuren inguruko informazioa eskaini zuten udal ordezkariek; Zaharren Babeslekuko taberna-jatetxea eta Antilla hondartzako 2. zenbakidun txiringitoak kudeatzeko kontratazio-espedienteen tramitazio-egoeren berri eman zuten, hain zuzen ere.
Bestalde, udal-langileen eta kargua dedikazio osoarekin edo partzialarekin betetzen duten udal-korporazioko kideen ordainsarien %0,5eko igoera gehigarria onartu zuten.