Plentziako XXXII. Ikurrina jokatuko da gaur arratsaldean. KAE-1 ligarako puntuagarria den estropada 16:00etan hasiko da, eta itsaso zabalean jokatuko da. Egun bat geroago, bihar, Villa de Bilbao estropada jokatuko da Ibaizabalen, 16:45etik aurrera. Erlojuaren aurka arituko dira traineruak estropada honetan, lau luzetara hiru ziabogarekin.
Orioko gizonezkoen bigarren txaluparentzat denboraldiko azken estropadak izango dira bi hauek, hurrengo asteburuan play-offeko estropadak jokatuko direlako. Bi horien faltan, bederatzigarrena da Orio B sailkapen orokorrean, 5,00 punturekin.
