Aranzadik ikerketa abiatu du Orion, herrian indarkeria politikoak eragindako sufrimendua aztertzeko. Hala, azken asteetan Memoriaren bulegoa zabaldu dute asteazkenetan kultur etxean, herritarren bizipen eta testigantzak zuzenean jasotzeko.
Bada, gaur, azaroak 11, izango da bulegoa zabalik egongo den azken eguna. 09:00etatik 13:00etara eta 16:00etatik 19:00etara izango da irekita, kultur etxeko aurreneko solairuan.
Dena den, aurrerantzean ere ikerketan parte hartu nahi duten herritarrek izango dute aukera Aranzadikoekin harremanetan jartzeko: 943 466 142 / memoria@aranzadi.eus.
